Ötən həftə ABŞ və Türkiyə prezidentləri Donald Tramp və Rəcəb Tayyib Ərdoğan İstanbulda yüksək səviyyəli Amerika və İran nümayəndə heyətlərinin görüşünü təşkil etməyə cəhd ediblər.
Yeniavaz.com xəbər verir ki, bu barədə öz mənbələrinə istinadən “Axios” portalı məlumat yayıb.
Onların sözlərinə görə, görüşə razılıq verməli olan İslam Respublikasının Ali Rəhbəri Ayətullah Əli Xamenei ilə əlaqə saxlamaq mümkün olmadığı üçün cəhd uğursuz olub. Portalın məlumatına görə, ayətullah mümkün sui-qəsd cəhdindən qorxduğu üçün gizlənir.
Bundan əlavə, nəşr qeyd edib ki, ABŞ-dən vitse-prezident J.D.Vens və Amerika liderinin xüsusi nümayəndəsi Stiven Uitkoffun, İrandan isə prezident Məsud Pezeşkianın iştirak edəcəyi potensial görüş açıqlanmamalı idi. Tramp görüşün təşkili barədə israr edirdi və hətta lazım gələrsə, Tehranın nüvə proqramı ilə bağlı saziş bağlamaq və ABŞ-nin hərbi müdaxiləsindən qaçmaq ümidi ilə söhbətə özü də qatılmağı təklif edirdi.
Portalın mənbəsinin məlumatına görə, Tramp və Ərdoğan arasında telefon danışığından sonra təklif Pezeşkiana və İranın xarici işlər naziri Abbas Əraqçiyə çatdırılıb. Nəşrin fikrincə, sonrakı günlərdə Tramp və Ağ Evin yüksək vəzifəli məmurları diplomatik həllin mümkünlüyünə getdikcə daha az inamlı olublar və ABŞ-nin İranın nüvə proqramını ləğv etmək üçün əməliyyat keçirməli olacağına getdikcə daha çox əmin olublar.
Tətbiqimizi yükləyə bilərsiniz
