Tramp “TikTok”un ABŞ-də bloklanmasını təxirə sala bilər

Ağ Ev rəhbəri Donald Tramp “TikTok”un ABŞ-də bloklanmasını təxirə sala bilər.
Yeniavaz.com “Reuters” agentliyinə istinadla xəbər verir ki, bu barədə Tramp jurnalistin sualına cavabında bildirib. 
Amerika lideri həmçinin bildirib ki, ABŞ “TikTok”un yarısına sahib olmaq hüququna malik olmalıdır.
Tramp bunun Çin sosial şəbəkəsinin aktivləri ilə bağlı müqavilə bağlamaq üçün vacib olduğunu qeyd edib. 
“Bu, yəqin ki, Çindən təsdiq tələb edəcək, amma düşünürəm ki, biz bunu alacağıq. Düşünürəm ki, Çin sədri Si Cinpin son ​​nəticədə bunu təsdiq edəcək”, - Tramp bildirib.
Qeyd edək ki, Tramp yanvarın 20-də andiçmə mərasimindən sonra ölkədə platformanın bloklanmasını aprelin 5-dək təxirə salan sərəncam imzalayıb. O, həmçinin jurnalistlərə ABŞ-nin “TikTok”un yarısına sahib olmaq hüququna malik olduğunu deyib, lakin bunun nə demək olduğunu açıqlamayıb.
Xatırladaq ki, aprelin 4-də ABŞ Prezidenti sosial şəbəkənin ölkədə fəaliyyətinin daha 75 gün (iyunun 19-dək) uzadılması haqqında sərəncam imzalayıb.