Koreya Xalq Demokratik Respublikası (KXDR) Rusiyanın Kursk vilayətində gedən döyüşlərdə 6000-dən çox hərbçisini itirib.
Yeniavaz.com xəbər verir ki, bu barədə Böyük Britaniya Müdafiə Nazirliyi kəşfiyyat məlumatlarına istinadla “X” sosial şəbəkə platformasında məlumat yayıb.
“İtkilərin ümumi sayı ilkin olaraq Kursk vilayətinə yerləşdirilən təxminən 11 min KXDR hərbçisinin yarısından çoxunu təşkil edir. Açıq mənbələrə görə, KXDR daha sonra Kursk vilayətinə məhdud sayda əlavə hərbçi yerləşdirib”, - müdafiə nazirliyinin kəşfiyyat xidməti bildirib.
Böyük Britaniyanın kəşfiyyatı qeyd edib ki, belə böyük itkilər, çox güman ki, genişmiqyaslı və yorucu piyada hücumları ilə əlaqədardır.
Tətbiqimizi yükləyə bilərsiniz
