“Ukrayna Prezidenti Volodimir Zelenskinin təmas xəttində həlak olan hərbçilərin cəsədlərinin toplanması üçün iki və ya üç günlük atəşkəs təklifindən qəti şəkildə imtina etməsi onun tərəfindən kobud səhvdir”.
Yeniavaz.com xəbər verir ki, bunu Rusiya prezidenti Vladimir Putinin hökumət üzvləri ilə görüşündə Rusiyanın xarici işlər naziri Sergey Lavrov deyib.
“Ölənlərin cəsədlərinin təmas xəttinin müəyyən ərazilərində ləyaqətli şəkildə toplanması üçün iki-üç günlük fasilə verilməsi təklifi ilə bağlı indicə deyilənlərlə əlaqədar olaraq, ola bilsin ki, hələ də orada yaralılar var. Hesab edirəm ki, bu, sadəcə olaraq, Kiyev rejiminin kobud səhvidir, mən Zelenskinin qəti və kobud şəkildə bundan imtina etməsini nəzərdə tuturam”, - Lavrov deyib.
Xatırladaq ki, iyunun 2-də İstanbulda Rusiya və Ukrayna arasında birbaşa danışıqların bərpa edilmiş ikinci raundu baş tutub. Tərəflər münaqişənin həlli aspektləri ilə bağlı öz baxışlarını əks etdirən sənədlər mübadiləsi aparıblar. Rusiya nümayəndə heyətinin rəhbəri, Rusiya prezidentinin köməkçisi Vladimir Medinski bildirib ki, Rusiya iki hissədən ibarət memorandumu Ukrayna tərəfinə verib. Onun sözlərinə görə, ikinci hissədə atəşi dayandırmağın bir sıra yolları təklif olunur. O, həmçinin Rusiyanın 6 min Ukrayna hərbçisinin cəsədini birtərəfli qaydada təhvil verəcəyini bildirib
Tətbiqimizi yükləyə bilərsiniz
