Çin aviaşirkətləri Avropa istehsalçısı “Airbus”a böyük sifariş vermək və ondan 500-ə qədər təyyarə almaq imkanını nəzərdən keçirir.
Yeniavaz.com xəbər verir ki, bu barədə “Bloomberg” agentliyi mənbələrə istinadla məlumat yayıb.
Məlumata görə, sövdələşmə iyul ayında Aİ və üzv dövlətlərin liderlərinin Çinin Avropa iqtisadi bloku ilə diplomatik əlaqələrinin 50 illiyini qeyd etmək üçün Pekinə səfər edəcəyi zaman elan edilə bilər.
Mümkün sövdələşmənin təfərrüatları hələ də müzakirə olunur.
Agentliyin mənbələrinə görə, Çin aviadaşıyıcıları həm geniş, həm də dar gövdəli 200-dən 500-ə qədər təyyarə ala bilər.
Bu, Çin üçün ən böyük aviasiya müqaviləsi, həmçinin, potensial olaraq, dünyada rekord vuran müqavilə ola bilər.
Qeyd edək ki, “Bloomberg”in Çin aviadaşıyıcıları tərəfindən böyük “Airbus” donanmasının alınması ilə bağlı qərarı Çin hakimiyyətinin aviaşirkətlərə Amerika təyyarələrini almağı qadağan etməsindən iki ay sonra gəlib. Bu, Vaşinqtonun tətbiq etdiyi tariflərə görə ABŞ və Çin arasında ticarət münaqişəsinin kəskinləşməsi fonunda baş verib.
Aprelin sonunda “Boeing”in baş direktoru Kelli Ortberq də Çinə tədarükün dayandırıldığını təsdiqləyib.
Lakin mayın ortalarında ABŞ-Çin ticarət münaqişəsində gərginliyin azalması fonunda Çin hakimiyyəti əvvəllər tətbiq edilmiş qadağanı ləğv edib.
Tətbiqimizi yükləyə bilərsiniz
