“Bizim ehtimallarımıza görə, benzinin ölkəyə idxalının artmasının əsas səbəbi ötən il ölkəmizdə keçirilən beynəlxalq tədbirlərlə bağlı 2 aya yaxın neft emalı zavodunun bağlanmasıdır”.
Yeniavaz.com yerli mətbuata istinadən xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında “Azərbaycan Respublikasının 2024-cü il dövlət büdcəsinin icrası haqqında” Qanun layihəsinin müzakirəsi zamanı maliyyə naziri Sahil Babayev deyib.
Məlumat üçün bildirək ki, ötən il Azərbaycanda keçirilən ən böyük beynəlxalq tədbir BMT-nin İqlim Dəyişmələri üzrə Çərçivə Konvensiyasının Tərəflər Konfransı – COP29 olub. COP29 tədbiri ötən ilin noyabr ayında keçirilib.
Qeyd edək ki, Dövlət Statistika Komitəsinin açıqladığı məlumatlar ilə maliyyə nazirinin ehtimalı üst-üstə düşmür. Belə ki, ötən il COP29 tədbirinin keçirildiyi noyabr ayı ərzində Azərbaycanın yeganə neft email zavodunda 9,8 min ton benzin istehsal edilib.
Elnur Əli
Tətbiqimizi yükləyə bilərsiniz
