Mayın 25-nə keçən gecə Rusiya qoşunları dron və raketlərdən istifadə etməklə Ukrayna ərazisinə kütləvi hücum edib.
Yeniavaz.com xəbər verir ki, bu barədə Ukrayna Hərbi Hava Qüvvələri Komandanlığı məlumat yayıb.
Ukrayna ordusunun məlumatına görə, Rusiya tərəfdən 297 ədəd “Şahed” pilotsuz uçan aparatı və müxtəlif tipli pilotsuz təyyarə imitatoru, 55 qanadlı raket, 9 ballistik raket və 4 ədəd Kh-59/69 havadan buraxılan raket buraxılıb.
Bildirilib ki, 45 raket və 266 pilotsuz uçuş aparatı məhv edilib və ya zərərsizləşdirilib.
Rusiya Müdafiə Nazirliyinin məlumatına görə, mayın 25-nə keçən gecə Rusiya ərazisi üzərində 110 Ukrayna pilotsuz təyyarəsi vurulub.Rusiya hərbçilərinin məlumatına görə, Tula vilayəti səmasında Ukraynaya məxsus 16 pilotsuz uçan aparat, Bryansk və Kaluqa vilayətləri üzərində 14 pilotsuz uçan aparat, Moskva və Tver vilayəti üzərində isə 13 pilotsuz təyyarə vurulub. Həmçinin, Rusiya Müdafiə Nazirliyinin məlumatına görə, Ukrayna pilotsuz təyyarələri Belqorod, Kursk, Lipetsk, Nijni Novqorod, Novqorod, Oryol və Smolensk vilayətləri üzərində məhv edilib.
Pilotsuz təyyarənin hücumu ilə əlaqədar olaraq Moskva hava qovşağının hava limanlarında və Kaluqada yenidən uçuşlara məhdudiyyətlər tətbiq edilib.
Tətbiqimizi yükləyə bilərsiniz
