“Pakistan tərəfindən buraxılan 600-dən çox pilotsuz uçuş aparatı (PUA) mayın 7-də və sonrakı üç gün ərzində “Sindur” əməliyyatı zamanı Hindistanın qərb sərhədləri boyunca məhv edilib”.Yeniavaz.com xəbər verir ki, bu barədə “Times of India” qəzeti hərbi dairələrdəki mənbələrə istinadən məlumat yayıb.
Bildirilib ki, bu məqsədə çatmaq üçün ən qısa müddətdə 1000-dən çox hava hücumundan müdafiə sistemi və 750 qısa və orta mənzilli yer-hava raket sistemi yerləşdirilib və səfərbər edilib.
Xatırladaq ki, Hindistan-Pakistan münasibətləri aprelin 22-də Pahalqamda (Hindistan birliyinin Cammu və Kəşmir ərazisi) terror aktından sonra pisləşib. Mayın 7-nə keçən gecə Hindistan Silahlı Qüvvələri Pakistan və Pakistanın nəzarətində olan Kəşmirdə terrorçularla əlaqəli doqquz hədəfi vuraraq “Sindur” əməliyyatına başlayıb. Pakistan cavab zərbəsi endirib. Mayın 10-da tərəflər atəşkəs barədə razılığa gəlib və sərhəddə qoşunların sayının azaldılması imkanlarını nəzərdən keçiriblər.
Tətbiqimizi yükləyə bilərsiniz
