Yeni “Grand Theft Auto” oyun seriyasının (GTA VI) buraxılışı 26 may 2026-cı il tarixinə planlaşdırılır.
Yeniavaz.com xəbər verir ki, bu barədə öz tərtibatçısı “Rockstar Games”i elan edib.
“Biz çox təəssüf edirik ki, bu, gözlədiyinizdən gec baş verdi. Yeni GTA ilə bağlı maraq və həyəcan bütün komandamız üçün həqiqətən böyük oldu. Oyunu bitirmək üçün çalışarkən göstərdiyiniz dəstəyə və səbrinizə görə sizə təşəkkür etmək istəyirik”, - bəyanatda deyilib.
Şirkət əlavə edib ki, studiyanın buraxdığı hər oyunda məqsədi həmişə gözləntiləri aşmağa çalışmaq olub və GTA VI da istisna deyil:
“Ona görə də əlavə vaxt məhsulu gözlədiyiniz və layiq olduğunuz keyfiyyət səviyyəsində çatdırmaq üçün lazımdır”.
Qeyd edək ki, 2024-cü ilin yazında, studiya GTA VI-nı 2025-ci ilin payızında buraxmağı planlaşdırdığını deyib.
Tətbiqimizi yükləyə bilərsiniz
