İsrail HƏMAS liderlərini zərərsizləşdirmək üçün süni intellektdən istifadə edib – NYT

İsrail Qəzza müharibəsi zamanı Fələstinin HƏMAS qruplaşmasının liderlərinə zərbə vurmaq üçün süni intellekt vasitələrindən istifadə edib.
Yeniavaz.com xəbər verir ki. bu barədə “The New York Times” qəzeti məlumat yayıb.
Nəşrin məlumatına görə, ilk belə zərbə 2023-cü ilin oktyabr ayının sonunda HƏMAS-ın Mərkəzi Cəbəliyyə Batalyonunun komandiri İbrahim Biariyə qarşı həyata keçirilib.
Qəzetin yazdığına görə, İsrail ordusu onun telefon zənglərini haradan etdiyini izləmək üçün süni intellektlə işləyən audio alətdən istifadə edərək, yerini müəyyən edə bilib.
İsrail Müdafiə Qüvvələri Biari və onlarla mülki şəxsin ölümünə səbəb olan zərbənin əhalinin sıx məskunlaşdığı düşərgənin altındakı HƏMAS tunel kompleksini hədəf aldığını bildirib.
Mülki itkilərlə bağlı hadisələr fonunda İsrail və Amerika rəsmiləri nəşrə bildiriblər ki, süni intellekt texnologiyasının yanlış şəxsiyyət və həbslərə səbəb olduğu hallar olub.
“The New York Times” yazır ki, İsrail sifətlərin tanınması, mümkün hədəf siyahılarının yaradılması, mətn mesajlarının və sosial medianın skan edilməsi və təhlil olunması üçün ərəb chatbotundan istifadə edərək gizlənmiş və ya yaralanmış şəxsləri müəyyən etmək üçün süni intellektdən istifadə edib.
Bu texnologiyaların çoxu 8200 hərbi kəşfiyyat bölməsi və “The Studio” kimi tanınan əsas aparıcı texnologiya firmalarında çalışan ehtiyatda olan əsgərlər arasında birgə əməkdaşlıq nəticəsində yaradılıb.