Rusiya Silahlı Qüvvələri Ukraynanın paytaxtı Kiyevə raket və dronlarla kütləvi hücuma keçib.
Yeniavaz.com xəbər verir ki, bu barədə Ukrayna Fövqəladə Hallar Xidməti məlumat yayıb.
Məlumata görə, hücum aprelin 24-də gecə yarısından sonra baş verib. Kiyevin beş rayonu hücuma məriz qalıb.
Hücum nəticəsində ən azı 9 nəfər ölüb, 63 nəfər yaralanıb.
Xidmətin məlumatına görə, 63 yaralıdan 42-si xəstəxanaya yerləşdirilib, onlardan 6-sı uşaqdır.
Xilasedicilər evlərin dağıntıları altında sağ qalanların axtarışlarını davam etdirirlər.
Fövqəladə Hallar Xidmətindən verilən məlumata görə, yanğınlar inzibati və qeyri-yaşayış binalarında baş verib. Hazırda hücumun nəticələri aradan qaldırılır.
Digər tərəfdən, rus qoşunları Xarkov şəhərinə də raketlər və pilotsuz təyyarələrlə hücum edib.
İlkin məlumata görə, 2 nəfər xəsarət alıb. Şəxsi və yaşayış binalarına ziyan dəyib.
Dnepropetrovsk vilayəti, Dnepr və Pavloqrad şəhərlərində partlayışlar olub. Nəticələr hələ məlum deyil.
Tətbiqimizi yükləyə bilərsiniz
