Süni intellektlə yaradılmış filmlər “Oskar” ala biləcək

Süni intellektin köməyi ilə yaradılmış filmlər əsas “Oskar” mükafatları uğrunda mübarizə apara biləcək.
Yeniavaz.com xəbər verir ki, bu barədə BBC məlumat yayıb.
Bildirilib ki, Kino Sənətləri və Elmləri Akademiyası süni intellekt və digər rəqəmsal alətlərdən istifadənin filmin namizəd olmaq şansına kömək etməyəcəyini və ya zərər verməyəcəyini bildirən yeni təlimatlar yayımlayıb.
Sadə mətn göstərişlərinə cavab olaraq mətn, şəkillər, audio və video yarada bilən generativ süni intellekt bu ilin mükafat qazanmış filmlərindən bəzilərinin yaradılmasına kömək edib. 
Bununla belə, Akademiya qalibləri seçərkən yenə də insan iştirakını nəzərə alacağını bildirib.
Qaydalara edilən əlavə dəyişikliklərə əsasən, Akademiya üzvləri qalibləri müəyyən edəcək səsvermənin yekun raundunda iştirak etmək üçün indi hər kateqoriya üzrə nominasiya edilmiş bütün filmlərə baxmalıdırlar.
Qeyd edək ki, Edrian Broudi “Brutalist” filmindəki roluna görə “Ən Yaxşı Aktyor” nominasiyası üzrə “Oskar”ını qazandıqdan sonra filmdə süni intellektdən istifadə aktual mövzuya çevrilib. Filmdə aktyor macar dilində danışarkən ləhcəni yaxşılaşdırmaq üçün generativ süni intellektdən istifadə edilib.