Amerikalı milyonçuların gəlir vergisinin 40%-ə qədər artırılması 10 il ərzində ABŞ xəzinəsinə təxminən 400 milyard dollar əlavə edə bilər.
Yeniavaz.com xəbər verir ki, bu barədə “Bloomberg” agentliyi məlumat yayıb.
Agentliyin məlumatına görə, Yel Universitetinin “Budget Lab” tədqiqat mərkəzi hesab edir ki, illik gəliri 1 milyon dollar və ya daha çox olan amerikalılar üçün vergiləri 40%-ə qaldırmaqla hökumət 420 milyard dollar əldə edə bilər.
Öz növbəsində, “Tax Foundation” tədqiqat mərkəzinin hesablamalarına görə, yuxarıda qeyd olunan vergi artımı eyni dövr ərzində Amerika xəzinəsinə 358 milyard dollar əlavə edə bilər.
Hazırda ABŞ-də ən yüksək gəlir vergisi dərəcəsi 37% təşkil edir.
Agentlik qeyd edir ki, bu cür vergi artımı ABŞ Prezidenti Donald Trampın administrasiyasına respublikaçıların müdafiə etdiyi sərvət vergisinin ləğvindən yaranan itkiləri ödəməyə kömək edəcək.
Bu verginin ləğvi on il ərzində ABŞ hökumətinə təxminən 118 milyard dollara başa gələ bilər.
Qeyd edək ki, aprelin əvvəlində “Semafor” portalı mənbələrə istinadla Trampın ölkənin ən varlı sakinlərinə vergilərin artırılması ideyasını nəzərdən keçirməyə hazır olduğunu bildirib.
Nəşr belə bir addımın respublikaçılara siyasi rəqiblərini Amerika fəhlə sinfinə verdiyi vədləri yerinə yetirməməkdə ittiham edən demokratların hücumlarına qarşı mübarizə aparmağa kömək edəcəyinə diqqət çəkib.
Tətbiqimizi yükləyə bilərsiniz
