“İnter Mayami”nin argentinalı hücumçusu Lionel Messi dünya üzrə ən perspektivli 10 futbolçunu açıqlayıb.
Yeniavaz.com xəbər verir ki, bu barədə “Give me Sport” portalı məlumat yayıb.
Məlumata görə, Messi ən perspektivli 10 oyunçu siyahısına “Barselona”dan Lamin Yamalı, “Yuventus”dan Kənan Yıldızı, “Filadelfiya”dan Kavan Sallivanı, ABŞ qadın milli komandasından Ceyden Şounu, “Leypsiq”dən Antonio Nusunu, “Nottinqem Forest”dən Coel Ndalunu, “Barselona”dan qadın oyunçu Viki Lopesi, yenə “Leypsiq”dən Assan Uedraoqonu və “Monako”dan Elissa Ben Seqiranı daxil edib.
Qeyd edək ki, Messi 2023-cü ilin yayından “İnter Mayami”də çıxış edir. Bu müddət ərzində o, bütün turnirlərdə 49 matçda iştirak edib, 42 qol vurub və 21 məhsuldar ötürmə edib. Futbolçunun klubla hazırkı müqaviləsi 2025-ci ilin sonuna kimidir.
“Transfermarkt” portalında verilən məlumata görə, futbolçunun bazar dəyəri 20 milyon avrodur.
Tətbiqimizi yükləyə bilərsiniz
