
“Soyuq hava şəraiti ilə əlaqədar olaraq “Azəristiliktəchizat” ASC-nin balansında olan qazanxanalar və istilik məntəqələri fəaliyyətini davam etdirəcək”.
Yeniavaz.com xəbər verir ki, bu barədə qurumun mətbuat katibi Elvin Basqallı sosial şəbəkə hesabında videomüraciət yayaraq bildirib.
O deyib ki, mövcud hava şəraiti nəzərə alınaraq istilik təminatı daha bir neçə gün davam etdiriləcək.
Qeyd edək ki, ölkə ərazisində payız-qış mövsümü aprel ayının 15-nə qədər davam edir. Qanunvericiliyə görə, bu gün istilik təminatı dayandırılmalı idi.