“Hərbi əməliyyatlar başa çatdıqdan sonra Ukraynanın təhlükəsizliyinin təmin edilməsi məsələsində iştirak edən 31 ölkədən yarısı bu ölkəyə öz əsgərlərini göndərməyə hazırdır”.
Yeniavaz.com xəbər verir ki, bu barədə “Bloomberg” məlumat yayıb.
Bildirilib ki, problem ondadır ki, avropalılar hələ də öz sülhməramlı missiyasını dəstəkləmək üçün ABŞ-dən razılıq almayıblar və bu, “könüllülərin koalisiyası”nın formalaşmasına mane olur:
“Son həftələr Aİ-nin 27 ölkəsinin, eləcə də Böyük Britaniya, Norveç, Kanada və Avstraliyanın nümayəndələri atəşkəs razılaşdırılacağı təqdirdə Ukraynada sülhməramlılığı təmin edəcək kontingentin formalaşdırılması planlarını müzakirə edirlər. 15-ə yaxın ölkə qoşun tədarük etmək istəyini təsdiqləyib. Rəsmilər NATO bir alyans olaraq əməliyyatda iştirak etməsə də, Kanada və Avstraliya da əsgərlərinə Avropa birlikləri ilə yanaşı xidmət etməyi təklif ediblər”.
Qeyd edilib ki, bununla belə, koalisiya quruculuğu prosesi dayanma riski daşıyır, çünki Vaşinqton təhlükəsizlik zəmanəti vermək üçün qəti öhdəlik götürməyib:
“Britaniyanın Baş naziri Kir Starmer israr edir ki, Vaşinqtonun bu cür zəmanətləri zəruridir, çünki onlar Rusiyanın Ukraynaya yenidən hücumundan effektiv şəkildə çəkindirmək üçün yeganə yoldur. London və Paris ABŞ Prezidenti Donald Trampı qoşun deyil, hava daşımaları, sərhədlərə nəzarət və kəşfiyyat məlumatlarının mübadiləsi ilə bağlı kömək etməyə inandırmağa çalışırlar, lakin ABŞ prezidenti planın təxminən iki ay əvvəl açıqlanmasından sonra belə bir razılaşmadan imtina edib”.
Tətbiqimizi yükləyə bilərsiniz
