Qəzzada ölü və yaralıların ümumi sayı 166 mini ötüb


Martın 18-də Qəzza zolağında döyüşlərin bərpasından bu yana 1400-dən çox fələstinli ölüb.
Yeniavaz.com
xəbər verir ki, bu barədə anklavın Səhiyyə Nazirliyi məlumat yayıb.
Bildirilib ki, 3600-dən çox insan isə yaralanıb:
“Martın 18-dən bəri Qəzzada ölənlərin sayı 1449-a çatıb, daha 3647 nəfər yaralanıb. 2023-cü ilin oktyabr ayından Qəzzada öldürülən fələstinlilərin sayı 50 min 810 nəfərə çatıb, 115 min 688 nəfər isə yaralanıb”.
Qeyd edək ki, martın 18-də İsrail ordusu Qəzza zolağında hərbi əməliyyatları bərpa edərək, anklav ərazisinə kütləvi zərbələr endirib və bununla da bu ilin yanvarında yaradılmış atəşkəsi pozub. İsrailin Baş naziri Benyamin Netanyahunun ofisi bunu Fələstinin HƏMAS hərəkatının danışıqlar zamanı vasitəçilər tərəfindən irəli sürülən təkliflərdən imtina etməsi ilə izah edib. Qeyd olunub ki, sektordakı əməliyyatın məqsədi bütün girovları azad etməkdir.
HƏMAS isə hərbi əməliyyatların yenidən başlamasında İsrail və ABŞ-ni günahlandırır.

DİGƏR XƏBƏRLƏR

Top