
İlon Maskın sərvəti 2024-cü il dekabrın 17-dən etibarən 184 milyard dollar azalaraq bu günə olan məlumata görə 302 milyard dollara düşüb.
Yeniavaz.com xəbər verir ki, bu barədə “Bloomberg” agentliyi məlumat yayıb.
Qeyd edək ki, 2024-cü il dekabrın 11-də “Tesla” və “SpaceX”in qurucusu olan İlon Maskın sərvəti 400 milyard dolları keçmiş və o, tarixdə sərvəti 400 milyard dollardan çox olan ilk şəxs olmuşdur.
Onu da bildirək ki, daha bir amerikalı milyarder – “Meta” şirkətinin sahibi Mark Zukerberqin də sərvəti kəskin şəkildə azalıb. 2024-cü il fevralın 16-da Zukerberqin sərvəti 259 milyard dollara yüksələrək tarixi zirvəyə çatıb. Lakin təxminən son iki ay ərzində onun sərvəti 80 milyard dollar azalaraq bu günə olan məlumata görə 179 milyard dollar təşkil edib.
Sərvəti ciddi şəkildə azalan milyarderlərdən biri də “Amazon”un qurucusu Ceff Bezos olub. Onun sərvəti 2025-ci il fevralın 5-dən etibarən 67 milyard dollar azalaraq bu günə olan məlumata görə 193 milyard dollara düşüb.
Xatırladaq ki, adıçəkilən milyarderlər ABŞ Prezidenti Donald Trampın əsas tərəfdarları hesab olunurlar.