“ABŞ Prezidenti Donald Tramp administrasiyasının tətbiq etdiyi rüsumlar Şimali Atlantika Alyansına (NATO) təsir etməyəcək”.
Yeniavaz.com xəbər verir ki, bunu NATO-nun baş katibi Mark Rutte “CBS” telekanalına müsahibəsində deyib.
“Bunun ayrı-ayrı müttəfiqlərə təsirsiz ötüşəcəyini deyə bilmərəm, lakin bu, alyansa təsir göstərməyəcək”, - deyə Rutte qeyd edib.
O, həmçinin qeyd edib ki, mümkün ticarət müharibəsi heç bir şəkildə Avropa ölkələrinin müdafiə xərclərinə və onların NATO qarşısında öhdəliklərini yerinə yetirməsinə təsir etməyəcək.
Qeyd edək ki, aprelin 2-də Tramp bir çox ölkələrdən ABŞ-yə məhsul idxalına qarşılıqlı rüsumlar elan edib. Azərbaycanın da yer aldığı siyahıdakı ölkələr üçün baza səviyyəsində rüsumlar 10 faiz təşkil edir. Bununla belə, Çin üçün bu tarif 34, Tayvan üçün 23, Avropa İttifaqı üçün isə 20 faiz təyin edilib.
Tətbiqimizi yükləyə bilərsiniz
