“Qayda deyil ki, sağlam balıq bahalı olmalıdır”.
Yeniavaz.com xəbər verir ki, bu barədə Life.ru-ya diyetoloq Yelena Xoxlova məlumat verib.
Həkim bu növlərdən biri kimi skumbriyanın adını çəkib:
“Bu, beyin və ürək-damar sistemi üçün faydalı olan son dərəcə yüksək səviyyədə omeqa-3 yağ turşuları olan balıqdır. Siyənək də yaxşıdır: o, skumbriyadan daha az omeqa-3, lakin daha çox yod ehtiva edir. Siyənək həmçinin sümük sağlamlığı üçün vacib olan əhəmiyyətli miqdarda D vitamininə sahibdir”.
Həkim konservləşdirilmiş sardinalara da diqqət etməyi məsləhət görüb:
“Yumşaldılmış sümüklərlə birlikdə onlarda 100 qram məhsulda 350 milliqrama qədər kalsium var - gündəlik tələbatın təxminən 40 faizi. Bundan başqa, belə konservlər omeqa-3, D vitamini və zülalın yaxşı mənbəyidir”.
Diyetoloq həmçinin zülal, B vitaminləri və yodla zəngin mintay və tərkibində omeqa-3 yağ turşuları, zülal, B vitaminləri, amin turşuları, kalsium, fosfor, sink, selen, xrom, dəmir, kalium və molibden olan moyvanı faydalı adlandırıb.
Tətbiqimizi yükləyə bilərsiniz
