Ötən ayın əvvəlinə olan məlumata görə, Azərbaycanda pul bazası son bir ildə 628 milyon manat və ya 1,2% azalaraq 22 milyard 402,4 milyon manat təşkil edib.
Yeniavaz.com açıqlanan rəsmi göstəricilərə istinadən xəbər verir ki, ötən mart ayının əvvəlində Azərbaycanda pul bazası 23 milyard 30,4 milyon manat həddində olub.
Qeyd edək ki, son bir ildə pul bazası azalsa da, dövriyyədə olan nağd pullar artıb. Belə ki, ötən ilin mart ayının əvvəli ilə müqayisədə bu ilin mart ayının əvvəlində dövriyyədə olan nağd pullar 324 milyon manat artaraq 17 milyard 32,9 milyon manata yüksəlib.
Onu da bildirək ki, dövriyyədə olan nağd pullar son 10 ildə 2 dəfəyə yaxın artıb. 10 il əvvəl – 2025-ci ilin mart ayının əvvəlində dövriyyədə 8 milyard 701,1 milyon manat nağd pul olub.
Məlumat üçün qeyd edək ki, pul bazası dedikdə pul kütləsinin Mərkəzi Bank tərəfindən qısa müddət ərzində dəyişdirilə bilən hissəsi nəzərdə tutulur. Pul bazasının tərkibinə dövriyyədə olan nağd pul və bank ehtiyatları daxildir. Pul kütləsi isə dövriyyədə olan nağd və qeyri-nağd ödəniş vasitələrinin məcmusudur.
Elnur Əli
Tətbiqimizi yükləyə bilərsiniz
