Avropa Futbol Assosiasiyaları İttifaqı (UEFA) və Beynəlxalq Futbol Assosiasiyaları Federasiyası (FİFA) Rusiya komandalarının beynəlxalq turnirlərə buraxılması ilə bağlı birgə qərar qəbul edəcək.
Yeniavaz.com xəbər verir ki, bu barədə UEFA prezidenti Aleksander Çeferin mətbuat konfransında məlumat verib.
“İlk qərar FİFA ilə birlikdə verilib və bu məsələni FİFA ilə müzakirə etdiyimiz üçün birgə qərar verəcəyik”, - Rusiya komandalarının qəbulu ilə bağlı UEFA-nın FİFA-nın rəyinə istinad edib-etməyəcəyi ilə bağlı sualı cavablandıran Çeferin deyib.
UEFA prezidenti Rusiya və İsrailə qarşı sanksiyaların fərqi ilə bağlı suala cavab verməyib:
“Rusiya ilə İsrail arasında nə fərq var deyə soruşanlara nə deyərdim? Əgər futboldan danışırsansa, reytinqlərə baxa bilərsiniz, siyasətdən danışırsınızsa, məndən soruşmayın”.
Qeyd edək ki, 2022-ci ilin fevralında UEFA və FİFA Ukraynadakı müharibə ilə əlaqədar Rusiya klub və komandalarının beynəlxalq turnirlərdə iştirakını dayandırıb.
Tətbiqimizi yükləyə bilərsiniz
