Tramp ABŞ-də fövqəladə vəziyyət elan etdi

ABŞ milli təhlükəsizliyi təhdid edən ticarət balanssızlığına görə fövqəladə vəziyyət elan edib.
Yeniavaz.com xəbər verir ki, bu barədə Amerika Prezidenti Donald Tramp bəyan edib.
“Bu təhlükənin mənbəyi Birləşmiş Ştatlardan kənarda, əsas ticarət tərəfdaşlarının daxili iqtisadi siyasətlərində və qlobal ticarət sistemindəki struktur disbalansındadır. Mən bununla bu təhlükə ilə bağlı milli fövqəladə vəziyyət elan edirəm”, - Tramp deyib.
Tramp qeyd edib ki, ABŞ-nin digər ölkələrlə ticarət əlaqələrində qarşılıqlılıq yoxdur. Bundan əlavə, bu münasibətlər xüsusilə son illərdə maksimal dərəcə balanssızlaşıb.
Xatırladaq ki, aprelin 2-də Tramp qlobal bazarın yaxından izlədiyi ölkələr üzrə qarşılıqlı gömrük tarifləri ilə bağlı yeni qərarını açıqlayıb. Qərarla Avropa İttifaqına (Aİ) və bəzi digər ölkələrə müxtəlif hədlərdə gömrük rüsumları tətbiq edilib. Siyahıda Azərbaycan üçün 10% həcmində gömrük rüsumunun müəyyən edildiyi qeyd olunub.