Myanmada ölənlərin sayı 3145 nəfərə çatdı – Yenilənib

Myanmada zəlzələ nəticəsində ölənlərin sayı 3145 nəfərə çatıb, 4589 nəfər yaralanıb, 221 nəfər itkin düşüb.
Yeniavaz.com xəbər verir ki, bu barədə “Sinxua” agentliyi məlumat yayıb.
Bildirilib ki, Myanma fövqəladə hallar xidmətləri hələ də digər ölkələrin xilasediciləri ilə əməkdaşlıqda axtarış-xilasetmə əməliyyatlarını davam etdirir. İndiyədək dağıntılar altından 653 nəfər xilas edilib, 626 nəfərin cəsədi çıxarılıb.
Qeyd edək ki, Myanmada martın 28-də 7,7 bal gücündə güclü zəlzələ baş verib. Bunun ardınca 6,4 bal gücündə ikinci təkan baş verib. Yeraltı təkanlar 5 ölkədə - Tailand, Banqladeş, Hindistan, Laos və Çində də hiss olunub.

***15:45
Myanmada baş verən güclü zəlzələ nəticəsində ölənlərin sayı 3085 nəfərə çatıb.
Yeniavaz.com xəbər verir ki, bu barədə “Sinxua” agentliyi məlumat yayıb.
Məlumata görə, daha 4715 nəfər yaralanıb.
Agentliyin məlumatına görə, 341 nəfər itkin düşmüş hesab olunur.
Hazırda itkin düşənlərin tapılması üçün axtarış-xilasetmə işləri davam etdirilir.
Qeyd edək ki, martın 28-də Myanmanın mərkəzində 7,7 və 6,4 bal gücündə iki güclü zəlzələ baş verib.
Güclü yeraltı təkanlar Tailand, Banqladeş, Hindistan, Laos və Çində də hiss olunub.
Zəlzələlər ölkədə geniş dağıntılara səbəb olub. Hakimiyyət orqanları qurbanların sayının artacağından ehtiyat edir.