Derbidə iğtişaş törədən 43 nəfər məsuliyyətə cəlb olundu

Türkiyə Kubokunun 1/4 final mərhələsinin “Fənərbağça”-“Qalatasaray” derbisi zamanı iğtişaş törədən 43 nəfər məsuliyyətə cəlb olunub.
Yeniavaz.com Türkiyə KİV-ə istinadla xəbər verir ki, İstanbul Baş Polis İdarəsi dünən “Ülker” Stadionunda baş tutan oyunda “İdmanda zorakılığın və intizamsızlığın qarşısının alınması haqqında” qanunu pozan şəxsləri müəyyən edib.
Ümumilikdə, 52 152 azarkeşin izlədiyi qarşılaşmada iğtişaş törədən 43 nəfərə qarşı “qadağan olunmuş əraziləri pozma”, “təxribat törətmə”, “obyektlərə ziyan vurma”, “nalayiq və təhqiramiz şüarlar səsləndirmə”, “idman meydançalarına qanunsuz daxil olma” və “qanunsuz maddə gəzdirmə” ittihamları irəli sürülüb.
Onlardan 4-ü matç zamanı məşəl yandırmaqda ittiham olunub.
Qeyd edək ki, “Qalatasaray” səfərdə “Fənərbağça”nı 2:1 hesabı ilə məğlub edərək, Türkiyə Kubokunun yarımfinalına yüksəlib.