Tramp pinqvinlərə də "rüsum tətbiq etdi"

ABŞ Prezidenti Donald Tramp Hind okeanının cənubundakı pinqvinlərin məskəni olan kimsəsiz Herd və Makdonald adalarına gömrük rüsumları tətbiq edib.
Yeniavaz.com xəbər verir ki, bu barədə məlumat Ağ Evin yaydığı sənədlərdə öz əksini tapıb.
Məlumata görə, bu adalara 10 faiz rüsum qoyulub.
Bu vulkanik arxipelaq Avstraliyanın xarici ərazilərindən biridir. Adalar okeanın ən ucqar quru ərazilərindən biri hesab olunur - Avstraliyadan 3,8 min km, Afrikadan isə 4,2 min km məsafədə yerləşir. Onlara ən yaxın qitə Antarktidadır - 1,6 min km.
Adalarda daimi insan məskəni yalnız 19-cu əsrdə, orada ov aparılan zaman mövcud olub. İndi arxipelaqda daimi əhali yoxdur. Adaları vaxtaşırı yalnız turistlər və elmi ekspedisiyalar ziyarət edir. Oradakı fauna əsasən quşlardan və suitilərdən ibarətdir. Bundan əlavə, arxipelaqda böyük pinqvin koloniyaları var: onların arasında kral, subantarktika və makaron pinqvinləri, həmçinin şərq rokxopperləri (qayalıq pinqvinləri) var.
Qeyd edək ki, Tramp 185 ölkədən mallara gömrük rüsumları tətbiq edib, lakin Rusiya bu siyahıda yer almayıb.
Onun sözlərinə görə, yeni tariflər qarşılıqlılıq prinsipi əsasında həyata keçirilib.