ABŞ Prezidenti Donald Tramp qlobal bazarın yaxından izlədiyi ölkələr üzrə qarşılıqlı gömrük tarifləri ilə bağlı yeni qərarını açıqlayıb.
Yeniavaz.com “Reuters”ə istinadla xəbər verir ki, qərarla Avropa İttifaqına (Aİ) və bəzi digər ölkələrə müxtəlif hədlərdə gömrük rüsumları tətbiq edilib.
Qeyd edək ki, tariflərin tətbiq olunduğu ölkələr sırasında Azərbaycan da var.
Siyahıda Azərbaycan üçün 10% həcmində gömrük rüsumunun müəyyən edildiyi qeyd olunub. Bu həm də tariflərin minimal həddidir.
Yeni qərarla, həmçinin Türkiyə, Gürcüstan, İran və Ermənistan üçün də eyni miqdarda – 10% həcmində gömrük rüsumu tətbiq edilib. Rusiya isə yeni tariflərin müəyyən olunduğu siyahıda yoxdur.
Trampın ötən axşam imzaladığı sənədə əsasən, Aİ-yə 20%, Çinə isə34% həcmində gömrük rüsumları tətbiq ediləcək.
Bundan əlavə, Tramp ABŞ-yə idxal olunan bütün xarici istehsal avtomobillərə 25% rüsum tətbiq ediləcəyini açıqlayıb.
Tətbiqimizi yükləyə bilərsiniz
