“Mançester Siti”nin ispaniyalı baş məşqçisi Pep Qvardiola 2025/26 mövsümündən “Milan”ın yeni baş məşqçisi ola bilər.
Yeniavaz.com “La Gazzetta dello Sport”a istinadən xəbər verir ki, Fabio Paratiçi “rossoneri”nin idman direktoru olarsa, belə təyinat ehtimalı artacaq.
Bildirilib ki, onun Qvardiola ilə yaxşı münasibəti var və artıq klubla əməkdaşlığa dair şifahi razılıq əldə edib.
Qeyd edək ki, 2024-cü ilin dekabrında Serxio Konseysao “Milan”ın baş məşqçisi vəzifəsinə keçib, lakin şayiələrə görə, o, yaxın vaxtlarda komandanı tərk edə bilər. İtaliya çempionatında keçirdiyi 30 oyundan sonra “Milan” 47 xalla turnir cədvəlinin 9-cu pilləsində qərarlaşıb. Klub həm də İtaliya kubokunun yarımfinalına yüksəlib və burada iki oyunluq qarşıdurmada Milan “İnter”i ilə qarşılaşacaq.
Pep Qvardiola 2016-cı ildən “Mançester Siti”nin baş məşqçisidir. Onun klubla müqaviləsi 30 iyun 2027-ci ilə qədərdir.
Tətbiqimizi yükləyə bilərsiniz
