Aktyor Jan-Klod Van Damm Rumıniyada insan alveri ilə məşğul olduğu iddia edilən cinayətkar qrupun fəaliyyətini araşdıran cinayət işində müttəhim olub.
Yeniavaz.com xəbər verir ki, ölkə prokurorluğunun məlumatına görə, cinayətkar qrup gənc qızları (o cümlədən azyaşlıları) guya model kimi işləmək üçün işə cəlb edib, lakin əslində onlar “psixoloji məcburiyyətdən istifadə etməklə” cinsi istismara məruz qalıblar.
Van Damm zorakılığın qurbanı olduğu iddia edilənlərdən biri, indi 26 yaşında, martın 31-də ona qarşı şikayət etdikdən sonra işə qarışıb. Şikayətçinin sözlərinə görə, 10 il əvvəl Kannda o və daha dörd qızı aktyora təhfil veriblər.
Aktyor üç cinayətdə şübhəli bilinir: istismar edilən şəxsin xidmətlərindən istifadə etmək, cinayət təşkilatında iştirak etmək və insan alveri. Onun nümayəndələri şərh verməyib.
Qeyd edək ki, 2022-ci ildə aktyorun Brüsseldəki bir barda onu cinsi əlaqəyə məcbur etməyə çalışdığını iddia edən bir qadının şikayətindən sonra Belçika prokurorluğu Van Damma qarşı istintaq başlatmışdı. Van Damm ittihamları rədd edib və işdə əlavə inkişaf barədə məlumat verilməyib.
Tətbiqimizi yükləyə bilərsiniz
