Myanmada zəlzələ nəticəsində ölənlərin sayı 2886 nəfərə çatıb.
Yeniavaz.com xəbər verir ki, bu barədə Çinin “Sinxua” agentliyi yerli hakimiyyət orqanlarına istinadla məlumat yayıb.
Məlumata görə, daha 4639 nəfər yaralanıb.
“Myanmada baş verən güclü zəlzələ nəticəsində 2886 nəfər ölüb, 4639 nəfər yaralanıb, 373 nəfər itkin düşüb”, - deyə agentliyin məlumatında bildirilib.
Qeyd edək ki, Myanmada martın 28-də 7,7 bal gücündə güclü zəlzələ baş verib. Bunun ardınca 6,4 bal gücündə ikinci təkan baş verib. Yeraltı təkanlar 5 ölkədə - Tailand, Banqladeş, Hindistan, Laos və Çində də hiss olunub.
Tətbiqimizi yükləyə bilərsiniz
