Rusiya Prezidenti Vladimir Putin və prezident administrasiyasının rəhbərliyi müəyyən edilmiş müddətlərdə 2024-cü il üçün gəlir və xərc bəyannaməsini təqdim edib.
Yeniavaz.com TASS-a istinadla xəbər verir ki, bu barədə Rusiya Prezidentinin mətbuat katibi Dmitri Peskov bildirib.
“Hamı öz bəyannamələrini vaxtında təqdim edib. Prezident də”, - deyə Kreml sözçüsü qeyd edib.
Putinin 2021-ci il üçün ən son dərc etdiyi bəyannamədə o, sahəsi 77 kv.m-lik mənzil, 18 kv.m-lik qaraj, iki nadir “Volqa” QAZ M21, bir “Niva” SUV və bir Skif qoşqu qeyd olunub. Bu bəyannaməyə görə, Putinin həmçinin 153,7 kv.m-lik mənzildən istifadə etdiyi bildirilib. Bütün bu əmlaklar Rusiyada yerləşir. Prezidentin həmin il üçün gəliri təxminən 10,2 milyon rubl təşkil edib. Eyni əmlaklar Putinin 2024-cü il seçkilərində Rusiya prezidentliyinə namizəd kimi təqdim etdiyi bəyannamədə də qeyd olunub.
Qeyd edək ki, qanuna görə, yüksək vəzifəli dövlət qulluqçuları hər il aprelin 1-dək öz gəlir və xərcləri, habelə həyat yoldaşlarının və azyaşlı uşaqlarının gəlir və xərcləri haqqında bəyannamə təqdim etməlidirlər. Lakin bu məlumatlar 2023-cü ildən bəyan edilsə də, dərc edilmir. Buna səbəb isə 2022-ci ilin dekabr ayının sonunda Putinin müharibə dövründə vəzifəli şəxslərin gəlir, xərc və digər əmlak məlumatlarının KİV-də dərc edilməməsi barədə fərman imzalamasıdır.
Bir qayda olaraq, bu tədbir dövlət əmlakının idarə edilməsi, dövlət əmlakına nəzarətin həyata keçirilməsi üçün həyata keşirilir. Tədbir hökumət nümayəndəsi səlahiyyətlərinə malik olan şəxslərə də şamil edilir. Bəyannamə təqdim etməli olanlar arasında ölkənin ali rəhbərliyi, parlamentarilər, nazirliklərin, məhkəmə sisteminin və bir sıra digər idarələrin nümayəndələri var. Deputatların və senatorların gəlir və xərclərinə dair məlumatlar 2023-cü ildən etibarən şəxsi məlumatlar olmadan ümumi formada dərc olunur.
Tətbiqimizi yükləyə bilərsiniz
