Val Kilmer vəfat etdi

Məşhur amerikalı aktyor Val Kilmer 65 yaşında Los-Ancelesdə vəfat edib.
Yeniavaz.com xəbər verir ki, bu barədə “The New York Times” aktyorun qızı Mersedes Kilmerə istinadən məlumat yayıb.
Bildirilib ki, onun ölümünə səbəb ağırlaşmış pnevmoniya olub.
“Batman Forever” və “The Doors” filmlərindəki rolları ilə tanınan Kilmerə 2014-cü ildə qırtlaq xərçəngi diaqnozu da qoyulub, lakin o daha sonra bu xəstəlikdən sağala bilib.
Qeyd edək ki, Kilmer 1959-cu ildə Los-Ancelesdə anadan olub. O, karyerasına teatr aktyoru kimi başlayıb və böyük ekranda onun sıçrayışı casus komediyası “Top Secret” olub. “Top Gun” adlı filmdə Tom Kruzla birlikdə rol alıb və 1990-cı illərdə Hollivudun ən yüksək maaşlı aktyorlarından biri olub.