Rusiya Prezidenti Vladimir Putin qubernatorların maaş və mükafatlarının baş nazirin müavinlərinin maaşlarına və mükafatlarına bərabərləşdirilməsini nəzərdə tutan fərman imzalayıb.
Yeniavaz.com xəbər verir ki, sənəd rəsmi hüquqi informasiya portalında yerləşdirilib.
“Faridaily” nəşrinin məlumatına görə, baş nazir müavinlərinin hazırkı maaşları ayda 1,2-1,3 milyon rubl təşkil edir (müharibə başlayandan sonra Putin məmurların gəlir bəyannamələrini dərc etməməyə icazə verən fərman imzalayıb. Ona görə də onların maaşlarının dəqiq məbləğləri məlum deyil - red.).
Eyni zamanda, nəşrin məlumatına görə, qubernatorların maaşları 150-200 min rubl təşkil edir.
“Beləliklə, 2026-cı ildən regional liderlərin maaşları azı 5-6 dəfə artacaq. Bir yüksək rütbəli federal məmurun maaşını hesaba qatsaq, artım daha əhəmiyyətli olacaq - təxminən 10 dəfə”, - nəşr yazıb.
Qeyd edək ki, rəsmi məlumatlara görə, 2024-cü ildə Rusiyada orta əmək haqqı 87 min rubl təşkil edib.
Tətbiqimizi yükləyə bilərsiniz
