Trampın sərvəti bir ildə iki dəfə artdı

ABŞ Prezidenti Donald Tramp bir il ərzində sərvətini 2,3 milyard dollardan 5,1 milyard dollara qədər artırıb.
Yeniavaz.com xəbər verir ki, bu barədə məlumat dünyanın ən varlı adamlarının 39-cu reytinqini dərc edən ABŞ-nin “Forbes” jurnalında öz əksini tapıb.
Jurnalın məlumatına görə, Trampın əsas sərvətini daşınmaz əmlak təşkil edir. Bundan əlavə, onun qolf klubları, dəbdəbəli malikanələri və “Trump Force One” kimi tanınan “Boeing 757-200” təyyarəsi var.
Milyarderlərin sayına görə, reytinq cədvəlində lider 103 yeni insanın ən azı 1 milyard dollar sərvət topladığı ABŞ olub. İkinci yeri Almaniya tutub. Üçüncü və dördüncü yerlərdə isə müvafiq olaraq Çin və Hindistan qərarlaşıb.
Digər tərəfdən, jurnalın siyahısına ümumi sərvəti 16,1 trilyon dollar olan 3000-dən çox insan düşüb. “Forbes”in qeyd etdiyi kimi, ilk dəfə İlon Mask, Mark Zukerberq və Ceff Bezos daxil olmaqla üç nəfər 200 milyard dollardan çox sərvətə sahib olub.