Baş Prokurorluq Rusiya Federasiyasının Ali Məhkəməsindən Rusiyada “Taliban” hərəkatına qoyulan qadağanı dayandırmağı xahiş edib.
Yeniavaz.com xəbər verir ki, bu barədə TASS-a məhkəmənin mətbuat xidməti məlumat verib.
“Rusiya Federasiyasının Ali Məhkəməsi Rusiya Federasiyasının qanunvericiliyinə uyğun olaraq terrorçu kimi tanınan təşkilatların, o cümlədən xarici və beynəlxalq təşkilatların vahid federal siyahısına daxil edilmiş “Taliban” hərəkatının fəaliyyətinə qoyulan qadağanın dayandırılması ilə bağlı Rusiya Federasiyasının Baş Prokurorunun inzibati iddiasını qəbul edib və icraata götürüb”, - deyə mətbuat xidməti bildirib.
Bildirilib ki, inzibati iş üzrə məhkəmə baxışı 17 aprel saat 14:00-a təyin edilib. İclas bağlı qapılar arxasında keçiriləcək.
Tətbiqimizi yükləyə bilərsiniz
