“Rəbbim ölkəmizi hər cür bəladan, qarışıqlıqdan, gərginlikdən qorusun” – Ərdoğan

“Əziz yol yoldaşlarım, İstanbulda aparılan rüşvət, korrupsiya və terror araşdırmalarını diqqətlə izləyirik”.
Yeniavaz.com xəbər verir ki, bunu Türkiyə Prezidenti Rəcəb Tayyib Ərdoğan Razaman bayramı münasibətilə Ədalət və İnkişaf Partiyasının (AKP) təşkilatlarına ünvanladığı təbrikdə bildirib.
“İstintaq irəlilədikcə və dərinləşdikcə, bələdiyyələri osminoqlar kimi əhatə edən cinayətkar təşkilatın qollarının hara uzandığı üzə çıxacaq. Ramazan ayının son 10 günündə baş verənlər, küçə terroru soyğunçuluğu ört-basdır etməkdən başqa bir şey deyil. Məhkəmə üzvlərimizi ailələri və uşaqları ilə təhdid edərək təsir altına almağa çalışmaları bu günə qədər nəticəsiz qalıb.
Millətimiz uzaqgörənliklə tələni gördü təxribatçıların təxribatlarına inanmadılar. Bu münasibətlə vəzifələrini böyük fədakarlıqla, səbirlə və soyuqqanlılıqla yerinə yetirən hüquq-mühafizə qüvvələrimizi təbrik edirəm.
Gənclərimiz başqa olmaqla marjinal təşkilatların təhriklərinə qapılmayan millətimin bütün fərdlərinə minnətdarlığımı bildirirəm. Rəbbim ölkəmizi hər cür bəladan, qarışıqlıqdan, gərginlikdən qorusun deyirəm”, - Ərdoğan qeyd edib.
Xatırladaq ki, martın 18-də İstanbul Böyükşəhər Bələdiyyəsinin sədri Əkrəm İmamoğlunun diplomu ləğv olunub. Bir gün sonra isə o saxlanılıb. Martın 23-də məhkəmə korrupsiya ittihamını əsas gətirərək İmamoğlu barəsində həbs qətimkan tədbiri seçib. Daha sonra o, İstanbulun bələdiyyə sədrliyindən uzaqlaşdırılıb.
Qeyd edək ki, martın 19-dan etibarən Türkiyənin əksər vilayətlərində, xüsusilə İstanbulda gemişmiqyaslı etiraz aksiyaları keçirilir.
Məlumat üçün bildirək ki, 29 martda İstanbulun Maltepe rayonunda Əkrəm İmamoğluya dəstək mitinqi keçirilib. Cümhuriyyət Xalq Partiyasının (CHP) sədri Özgür Özəlin sözlərinə görə, mitinqdə 2,2 milyon nəfər iştirak edib.