“Ər-Riyaddakı danışıqların məzmunu açıqlanmayacaq” – Peskov

Ər-Riyaddakı danışıqların məzmunu açıqlanmayacaq, çünki Rusiya və ABŞ nümayəndə heyətləri burada texniki məsləhətləşmələr aparıb.
Yeniavaz.com xəbər verir ki, bu barədə Rusiya Prezidentinin mətbuat katibi Dmitri Peskov brifinqdə bildirib.
“Söhbət texniki danışıqlardan gedir. Texniki danışıqlar təfərrüatları olan danışıqlardır, ona görə də, təbii ki, bu danışıqların məzmunu ictimaiyyətə açıqlanmayacaq”, - Kreml nümayəndəsi izah edib..
Onun sözlərinə görə, danışıqların nəticələri barədə artıq hər iki ölkənin rəhbərliyinə hesabatlar göndərilib.
“İndi nümayəndə heyətlərinin paytaxtlara verdiyi hesabatlar təhlil edilir və yalnız bundan sonra hansısa anlaşmadan danışmaq mümkün olacaq”, - Peskov əlavə edib.
Qeyd edək ki, ötən gün Səudiyyə Ərəbistanının paytaxtında Rusiya və ABŞ arasında məsləhətləşmələr keçirilib. 12 saatdan çox davam edən görüş Ukrayna münaqişəsinin həlli ilə bağlı bir neçə məsələyə həsr olunub.