Türkiyə İşçi Partiyasının (TİP) bir qrup üzvünün polis tərəfindən saxlanıldığı bildirilir.
Yeniavaz.com Türkiyə mətbuatına istinadən xəbər verir ki, bu barədə Türkiyə İşçi Partiyasının sədri Erkan Baş məlumat verib.
Erkan Baş aralarında idarə heyətinin üzvü Yunus Başaran, rayon təşkilatının sədri Enes Keskin və rayon təşkilatının idarə Heyətinin üzvlərinin də olduğu partiya üzvlərinin Antalyada saxlanıldığını açıqlayıb. Partiyanın digər üzvü Orhan Kiper və bəzi tələbələrin isə İzmirdə saxlanıldığı bildirilib.
Xatırladaq ki, İstanbul Böyükşəhər Bələdiyyəsinin sədri Əkrəm İmamoğlunun saxlanılmasından sonra Cümhuriyyət Xalq Partiyasının çağırışı ilə İstanbul, Ankara və İzmir də daxil olmaqla, Türkiyənin müxtəlif bölgələrində aksiyalar başlayıb.
Tətbiqimizi yükləyə bilərsiniz
