Salah “Barselona”ya keçə bilər

“Liverpul”un ulduz hücumçusu Məhəmməd Salah karyerasını “Barselona”da davam etdirə bilər.
Yeniavaz.com xəbər verir ki, bu barədə “Sport Diario” nəşri məlumat yayıb.
Mənbənin məlumatına görə, Misir təmsilçiləri artıq onun xidmətlərini Kataloniya klubunun rəhbərliyinə təklif ediblər. Bildirir ki, o, Kataloniya klubuna keçərsə, ispan nəhənginin La Liqanın maliyyə tələblərini ödəyə bilməsi üçün hücumçu maaşında ciddi endirim etməli olacaq.
Həmçinin qeyd edilib ki, “Barselona” misirli futbolçu ilə müqavilə bağlamaq fikrinə pis baxmır, çünki klub onun təcrübəsi və futbolunun keyfiyyətini bəyənir, lakin ciddi dialoq o halda mümkündür ki, kataloniyalıların çətinlikləri səbəbindən maaş azaldılsın.
Qeyd edək ki, Salah bu mövsüm bütün turnirlərdə 39 oyun keçirib, 30 qol vurub və 22 məhsuldar ötürmə edib. “Transfermarkt” portalında verilən məlumata görə, futbolçunun bazar dəyəri 55 milyon avrodur.