Neft tankeri və konteyner gəmisi toqquşdu – 32 nəfər xəsarət aldı

Şimal dənizində ABŞ bayrağı altında üzən “Stena Immaculate” neft tankeri və Portuqaliya bayrağı altında üzən “Solong” konteyner gəmisi toqquşub.
Yeniavaz.com xəbər verir ki, bu barədə Böyük Britaniya Sahil Mühafizəsi məlumat yayıb.
Bildirilib ki, toqquşma Şərqi Yorkşir sahillərində, Hull şəhərinin şərqində, yerli vaxtla saat 9:48-də (Bakı vaxtı ilə 13:48) baş verib. Konteyner gəmisinin lövbərdə olan neft tankerinə çırpıldığı düşünülür.
İki gəmidə yanğın baş verib. Toqquşma yerinə xilasedici gəmilər və helikopter göndərilib.
Toqquşmadan sonra çəkilən foto və videolar internetdə yayımlanır. Tankerdən qara tüstü qalxır.
Toqquşma yerində axtarış-xilasetmə əməliyyatı aparılır.
“Sky News”un məlumatına görə, tankerlə konteyner gəmisinin toqquşması nəticəsində 32 nəfər xəsarət alıb.