
Ermənistanda sosial şəbəkələrdə İrəvan-Artaşat magistral yolu ilə hərəkət edən avtomobilin yük yerindən asılan Azərbaycan bayrağını əks etdirən video yayılıb.
Yeniavaz.com Ermənistan mətbuatına istinadən xəbər verir ki, avtomobilin yük yerindən Azərbaycan bayrağını asan şəxs Ermənistanın Masis rayon sakini olub.
Bildirilir ki, bu şəxsin hərəkəti sosial şəbəkə istifadəçilərini qəzəbləndirib. Onlar həmin şəxsin Azərbaycan təbliğatı apardığını bildiriblər.
Video sosial şəbəkələrdə yayılandan sonra həmin şəxs polis bölməsinə çağırılıb. O, polis bölməsində verdiyi ifadədə bildirib ki, məqəsədi Azərbaycan bayrağını avtomobilin baqajına bağlayıb, yerlə sürümək olub. Lakin, külək səbəbindən bayraq yerlə sürünməyib.
Ermənistan Daxili İşlər Nazirliyindən verilən açıqlamada isə bildirilib ki, sürücü maşının nömrələrini gizlətdiyi üçün cərimələnib.
Həmin görüntüləri təqdim edirik: