Rusiya ordusu Xarkovda daha bir yaşayış məntəqəsini işğal edib

Rusiya ordusunun “Qərb” qüvvələr qrupunun bölmələri Xarkov vilayətinin Topoli yaşayış məntəqəsini ələ keçiriblər.
Yeniavaz.com xəbər verir ki, bu barədə Rusiya Müdafiə Nazirliyinin mətbuat xidməti məlumat yayıb.
Məlumata görə, ilin əvvəlindən bu, Xarkov vilayətində Kalinovo, Zapadnoye, Dvureçnoye, Novomilinski və Fiqolevka yaşayış məntəqələrindən sonra Rusiya ordusunun nəzarətinə keçən altıncı yaşayış məntəqəsi olub.
Nazirliyin məlumatına görə, Rusiya hərbçiləri həmçinin Xarkov vilayətinin Kupyansk, Kamenka, Stepova Novoselovka, Lozovaya və Makeyevka ərazilərində Ukrayna Silahlı Qüvvələrinin bir neçə briqadasının canlı qüvvəsinə və texnikasına zərbə endiriblər.