Özcan Dənizin infarkt keçirdiyi bildirilir

Son zamanlar ailəsi ilə yaşadığı problemlərə görə gündəmdə olan Özcan Dənizin infarkt keçirdiyi iddia edilib.
Yeniavaz.com xəbər verir ki, bu barədə tv100 məlumat yayıb.
Bildirilib ki, “Kızıl Goncalar” (“Qızıl Qönçələr”) serialının çəkiliş meydançasına gələn Dənizin özünü pis hiss edərək huşunu itirib:
“Çəkiliş meydançasından xəstəxanaya çatdırılan Özcan Dənizin müayinələr zamanı infarkt keçirdiyi məlum olub. İlk müdaxilədən sonra angioqrafiya edilən Dəniz iki həftə sonra yenidən xəstəxanaya gedəcək. Ürəyindəki tıxanmış damara stent qoyulacaq”.
Qeyd edilib ki, 52 yaşlı sənətçi “Qızıl Qönçələr” serialının çəkiliş meydançasında anasının müsahibəsini izləyəndən sonra özünü pis hiss edib. Müsahibədə anası Dənizin yoldaşına qarşı iddia edilən zorakılığı təkzib edib.