Xəbər verdiyimiz kimi, ötən il Azərbaycanda 1 milyon 254,8 min ton avtomobil benzini istehsal olunub və əvvəlki illə müqayisədə benzinin istehsalı 14,2% azalıb.
Yeniavaz.com xəbər verir ki, ölkədə istehsalı azaldığı üçün xaricdən benzin idxalı kəskin artıb.
Ötən il Azərbaycana xarici ölkələrdən 262,4 min ton “Aİ-92” markalı (“Regular”), 86,3 min ton “Aİ-95” markalı (“Premium”) benzin idxal edilib. Əvvəlki illə müqayisədə “Aİ-92” markalı benzinin idxalı 4 dəfə artıb.
Qeyd edək ki, Azərbaycanın xaricdən idxal etdiyi “Aİ-92” markalı benzinin 1 litrinin orta gömrük dəyəri 1,12 manat, “Aİ-95” markalı benzinin 1 litrinin orta gömrük dəyəri isə 1,20 manat olub.
“Aİ-92” markalı benzin Azərbaycana aşağıdakı ölkələrdən gətirilib:
Rusiya – 141,7 min ton;
Belarus – 44 min ton;
Rumıniya – 30,68 min ton;
Litva – 32,2 min ton;
Bolqarıstan – 8,1 min ton;
Malta – 2 min ton;
Latviya – 1,87 min ton;
Qazaxıstan – 1,75 ton.
“Aİ-95” markalı benzin isə Azərbaycana aşağıdakı ölkələrdən gətirilib:
Belarus – 30 min ton;
Rumıniya – 23,8 min ton;
Rusiya – 21 min ton;
Yunanıstan – 6,6 min ton;
Bolqarıstan – 4,1 min ton ;
BƏƏ – 783 ton.
Onu da qeyd edək ki, Azərbaycan benzin aldığı ölkələrin bəzilərinə xam neft satır.
Ötən il Azərbaycanın xam neft satdığı və benzin aldığı ölkələr aşağıdakı kimi olub:
Elnur Əli
Tətbiqimizi yükləyə bilərsiniz
