HƏMAS azad olunacaq girovların siyahısını verəcək

“HƏMAS hərəkatı yanvarın 25-də azad etməyi planlaşdırdığı girovların siyahısını sabah İsrailə təhvil verəcək”.
Yeniavaz.com xəbər verir ki, bunu HƏMAS-ın İordan çayının qərb sahilindəki hücrəsinin rəhbəri Zaher Cabarin deyib.
“Sabah biz İsrailə döyüşçülərimiz tərəfindən saxlanılan dörd girovun adlarını verəcəyik, əvəzində əsir götürülmüş girovlar müqabilində azad edilməli olan fələstinli məhbusların siyahısını verəcəyik”, - Cabarin vurğulayıb.
Hərəkatın İordan çayının qərb sahilindəki hücrəsinin rəhbəri həmçinin təsdiqləyib ki, mübadilə özü siyahılar təhvil verildikdən bir gün sonra - yanvarın 25-də baş tutacaq.