Yenidən “Real Madrid”in prezidenti oldu

Florentino Peres yenidən İspaniyanın “Real Madrid” futbol klubunun prezidenti seçilib.
Yeniavaz.com xəbər verir ki, bu barədə komandanın mətbuat xidməti məlumat yayıb.
Məlumata görə, Peres seçkilərdə yeganə namizəd olub. O, bu vəzifəni 2029-cu ilə qədər davam etdirəcək.
Qeyd edək ki, 77 yaşlı Peres ilk dəfə 2000-ci ildə “Real Madrid”in prezidenti olub. 2009-cu ildə o, növbəti müddət üçün yenidən klubun prezidenti seçilib,
İşlədiyi müddətdə klub yeddi dəfə Çempionlar Liqası, Çempionlar və İspaniya Superkubokunun qalibi olub. Altı dəfə UEFA Superkubokunu, beş dəfə Klublararası Dünya Kubokunu qazanıb.
Klub həmçinin, üç dəfə İspaniya kubokuna, iki dəfə isə Qitələrarası kuboka sahib olub.