Rusiyanın Kamçatka Regional Onkologiya Dispanserində kompüter tomoqrafiyası (KT) aparılan azı 49 xəstədə hepatit B və C aşkar edilib.
Yeniavaz.com xəbər verir ki, bu barədə “kamçatkamedia” məlumat yayıb.
Bildirilib ki, 36 nəfərdə xəstəliyin kəskin forması, 13 nəfərdə xroniki forma diaqnozu qoyulub.
Qeyd edilib ki, onkoloji mərkəzdə xəstələr 2023-cü ilin noyabrından 2024-cü ilin dekabrına qədər yoluxub. Bu müddət ərzində KT otağına gələnlərin hamısı risk altındadır.
Artıq dispanser Moskvadan olan mütəxəssislərin cəlb edilməsi ilə “Rospotrebnadzor”un regional şöbəsi tərəfindən yoxlamalardan keçib. KT otağının işi 30 günlük dayandırılıb.
İstintaq Komitəsi tərəfindən ehtiyatsızlıqdan sağlamlığa ağır xəsarət yetirmə ilə nəticələnən ehtiyatsızlıq maddəsi ilə cinayət işi açılıb.
Regional hakimiyyət orqanları məsləhətləşmələr üçün qaynar xətt açıb.
Tətbiqimizi yükləyə bilərsiniz
