“Barselona”nın cinah oyunçusu Lamin Yamal gələn mövsümdən etibarən “Barselona”da 10 nömrə geyinəcək.
Yeniavaz.com xəbər verir ki, bu barədə “El Chiringuito” məlumat yayıb.
Məlumata görə, 2008/2009 mövsümündən 2020/2021 mövsümünə kimi “Barselona”nın heyətində 10 nömrə ilə hücumçu Lionel Messi çıxış edib.
Onun klubdan ayrılmasından sonra bu nömrə Ansu Fatiyə məxsus olmağa başlayıb.
Qeyd edək ki, hazırda Yamal 19 nömrəli forma ilə oynayır.
Xatırladaq ki, bu mövsüm Yamal bütün yarışlarda 24 oyunda iştirak edib, 9 qol vurub, 13 məhsuldar ötürmə edib. Futbolçunun klubla hazırkı müqaviləsi 2026-cı ilin yayına kimi nəzərdə tutulub.
“Transfermarkt” portalında verilən məlumata görə, futbolçunun bazar dəyəri 180 milyon avrodur.
Tətbiqimizi yükləyə bilərsiniz
