“SpaceX” türk pilotsuz təyyarə istehsalçısı “Baykar”ın iştirakı ilə yaradılmış “Fergani Space” şirkətinin ilk peykini orbitə çıxarıb.
Yeniavaz.com xəbər verir ki, bu barədə “Anadolu” agentliyi məlumat yayıb.
Məlumata görə, “FGN-100-d1” peyki “SpaceX”in “Falcon 9” raketi ilə “Transporter-12” missiyası çərçivəsində kosmosa göndərilib.
Agentliyin məlumatına görə, buraxılış ABŞ-dəki Vandenberq Hərbi Hava Qüvvələri bazasından həyata keçirilib.
Orbitə buraxılan ilk türk peyki qlobal mövqe təyinetmə sistemi yaratmaq üçün hazırlanıb.
Raket kubsat, mikropeyk və orbital aparat da daxil olmaqla 131 faydalı yükü kosmosa çıxarıb.
Tətbiqimizi yükləyə bilərsiniz
