Rusiyada Azərbaycan əsilli keçmiş vəkil Elman Paşayev ikinci dələduzluq epizodu üzrə ittiham olunub.
Yeniavaz.com TASS-a istinadla xəbər verir ki, bu barədə təqsirləndirilən şəxs barəsində həbs-qətimkan tədbirinin uzadıldığı cinayət işinin materiallarında deyilir.
İttihamı Moskva Qarnizonu Hərbi Məhkəməsinin hakimi elan edib.
İş üzrə zərərçəkmiş şəxs məhkəmə iclasına gələ bilməyən Zaxarova adlı şəxsdir.
Paşayevin vəkili bildirib ki, o, heç bir epizod üzrə təqsirini boynuna almır.
Hərbi məhkəmənin iclası bağlı qapılar arxasında keçirəcəyi gözlənilir.
Qeyd edək ki, Paşayevə şamil edilən maddə 1 milyon rubla qədər cəriməni və 10 ilədək həbsi nəzərdə tutur.
Xatırladaq ki, keçmiş vəkil ötən il sentyabrın ortalarında hərbi məhkəmə tərəfindən həbs edilib və ona qarşı 46 milyon rubldan çox məbləğdə dələduzluqla bağlı ittiham irəli sürülüb (Rusiya Cinayət Məcəlləsinin 159-cu maddəsinin 4-cü hissəsi).
Tətbiqimizi yükləyə bilərsiniz
